Himikatlardan ýeten zyýanyň bejerilişi

---

HealthWiki > Daşky gurşaw we adam saglygy > Goşundy A: Howpsuzlyk we adatdan daşary ýagdaýlar > Himikatlardan ýeten zyýanyň bejerilişi

---

Bu bapda:

 

Bu bapda:

• Goşundy A: Howpsuzlyk we adatdan daşary ýagdaýlar
• Adatdan daşary ýagdaýlaryň howpsuzlyk meýilnamasyny düzmek
• Dermanhanajyk
• Gorag egin-eşikler we enjamlar
• Dökülen himiki suwuklyk
• Himikatlardan ýeten zyýanyň bejerilişi
• Ýanyklaryň bejerilişi
• Şok
• Emeli dem bermek (agyzdan agza dem bermek)

Himikatlar derä we geýimlere dökülýär, göze syçraýar, olary ýuwdup we olardan dem alyp bolýar. Kimdir biri şikeslenende, ol haýal etmän, lukmançylyk kömegini almalydyr.

Himikatlardan dem almak

• Adamy zäherden dem alan ýerinden, esasanam ýapyk jaýdan uzagrak ýere göterip geçiriň. Himikat ýapyk jaýda dökülen bolsa, pejireleri we gapylary açyň.
• Adamy arassa howa çykaryň.
• Gysýan geýimlerini gowşadyň.
• Adamyň kellesini we eginlerini galdyryp oturdyň ýa-da ýatyryň.
• Adam huşsuz bolsa, ony gapdalyna ýatyryň we oňa dem almaga hiç zadyň päsgel bermeýändigine göz ýetiriň.
• Adam dem almaýan bolsa, agyzdan agza dem beriň.
• Kellagyry, burnuň ýa-da bokurdagyň gijemegi, başaýlanma, ukuçyllyk ýa-da döşüň gysylmagy ýaly saglyk bilen bagly kynçylyklaryň alamatlary bar bolsa, haýal etmän lukmançylyk kömegini gözläň. Himikatyň etiketkasyny alyň we adyny ýatda saklaň.

Himikatlar ýuwdulan bolsa:

• Adam huşsuz bolsa, ony gapdalyna ýatyryň we dem alýandygyna göz ýetiriň.
• Adam dem almaýan bolsa, haýal etmän agyzdan agza dem beriň. Agyzdan agza dem bereniňizde, siz himikatyň täsirine sezewar bolup bilersiňiz. Şol sebäpli hem emeli dem alyş etmeziňizden öň, agzyňyzy kise maskasy, mata bölegi ýa-da 3-4 gat eplenen hasa bilen ýapyň.
• Adam suw içip bilýän bolsa, oňa köpräk arassa suw beriň.
• Himikatyň gabyny tapyp, onuň daşyndaky ýazgylary okaň. Adamy gaýtartmalydygy ýa-da gaýtartmaly däldigi barada şol ýazgyda görkezilen bolmaly.

Himikatlar deriňize ýa-da egin-eşikleriňize dökülen bolsa

• Howpsuz bolsa, şikes ýeten adamy dökülen himikatdan daşlaşdyryň.
• Himikat dökülen geýimleri, köwüşleri çykaryň, gymmat bahaly zatlaryň ählisini aýryň. Himikatlar göze düşmez ýaly, eşikleri çykaranyňyzda, seresap boluň. Geýimleri gyrkyşdyryp aýyrmak has gowy bolar.
• Şikeslenen ýeri 15 minut aram sowuk suwa ýuwuň.
• Himikatlar göze düşen bolsa, olary 15 minutlap arassa suw bilen ýuwuň. Gabaklary galdyryp, gözi doly ýuwar ýaly göz almasyny öz töwereginden aýlaň.
• Adam dem almagyny bes etse, agyzdan agza dem beriň.
• Himikatlary siňdirmek üçin esgi ulanyň, seresap boluň, himikatlary töwerege syçratmaň.
• Beden himikatlara ýanan bolsa, ony adaty ýanyk ýaly bejeriň.

This page was updated:18 dek 2022