Öýdäki zyýanly mör-möjeklere garşy göreşmek

---

HealthWiki > Daşky gurşaw we adam saglygy > Bap 14: Pestisidler zäherdir > Öýdäki zyýanly mör-möjeklere garşy göreşmek

---

Bu bapda:

 

Bu bapda:

• Bap 14: Pestisidler zäherdir
• Pestisidler saglyk kynçylyklarynyň döremegine sebäp bolýa
• Çagalar we pestisid zäherlenmesi
• Çagalary pestisidlerden goramak
• Pestisid zäherlenmesinde berilýän bejergi
• Pestisidleriň saglyga täsir etmeginiň uzak wagtlaýyn netijeleri
• Pestisid zäherlenmesi beýleki kesellere meňzäp biler
• Pestisidleriň zyýanyny azaltmak
• Iýmitdäki pestisidler
• Öýdäki zyýanly mör-möjeklere garşy göreşmek
• Pestisidler daşky gurşawa zyýan ýetirýär
• Pestisidler boýunça okuw sapagy

Ahli ýerlerde adamlar çybynlary, garynjalary, büreleri, alakalary we beýleki zyýanly mör-möjekleri ýok etmek üçin zäher ulanýarlar. Emma olary ýok etmek üçin ulanylýan zäherleriň köpüsi adamlara hem zyýan ýetirip bilerler.

Oba hojalyk işgärleri öýdäki zyýanly mör-möjekleri ýok etmek üçin, pestisidleri öýlerine getirýärler. Ýöne pestisidleriň ýapyk ýerlerde ulanylmagy örän zyýanlydyr. Iň gowusy oba hojalyk himikatlaryny işde goýup, öýdäki zyýanly mör-möjeklere garşy göreşmegiň başga usullaryny tapmakdyr.

Zyýanly mör-möjekler bilen himikatsyz göreşmegiň birgiden usullary bar. Ol usullar pestisidlerden howpsuz we arzan bolup, gowy netijeleri berýärler. (Himikatlary öz öýňüzden daşda saklamagyň beýleki usullary barada 17-nji baba ser.)

Eger siz pestisidleri öýde ulanýan bolsaňyz:

• pestisidli gabyň daşyndaky ýazgylary okaň we görkezmelere eýeriň.
• pestisidleri ýapyk jaýlarda ulanmaň. Penjireleri we gapylary açyň.
• pestisidleri diňe niýetlenen zyýanly mör-möjeklere garşy ulanyň.
• pestisidleri çagalardan daşda saklaň.
• pestisidleri hiç wagt düşege pürkmäň, pestisid pürkülen düşekde ýatmaň.
• gap-gaçlaryň we iýmit üçin ulanylýan enjamlaryň ýanynda pürkmäň.
• pestisidleri hiç wagt bellik edilmedik gaplarda goýmaň.
• gerekmejek pestisidleri seresaplyk bilen ýok ediň.