Pestisidler saglyk kynçylyklarynyň döremegine sebäp bolýa

---

HealthWiki > Daşky gurşaw we adam saglygy > Bap 14: Pestisidler zäherdir > Pestisidler saglyk kynçylyklarynyň döremegine sebäp bolýa

---

Bu bapda:

 

Bu bapda:

• Bap 14: Pestisidler zäherdir
• Pestisidler saglyk kynçylyklarynyň döremegine sebäp bolýa
• Çagalar we pestisid zäherlenmesi
• Çagalary pestisidlerden goramak
• Pestisid zäherlenmesinde berilýän bejergi
• Pestisidleriň saglyga täsir etmeginiň uzak wagtlaýyn netijeleri
• Pestisid zäherlenmesi beýleki kesellere meňzäp biler
• Pestisidleriň zyýanyny azaltmak
• Iýmitdäki pestisidler
• Öýdäki zyýanly mör-möjeklere garşy göreşmek
• Pestisidler daşky gurşawa zyýan ýetirýär
• Pestisidler boýunça okuw sapagy

Pestisidleriň täsirine düşen adamda keseliň birnäçe alamatlary ýüze çykyp biler. Käbir alamatlar pestisidleriň ulanylýan wagty bada-bat ýüze çykýar. Beýleki alamatlar bolsa sagatlaryň, günleriň, hatda ýyllaryň geçmegi bilenem ýüze çykmaýar. (Zäherli himikatlaryň täsiri barada bilmek üçin 16-njy baba serediň).

Adamlaryň köpüsi pestisidleriň täsirine düşse-de, mundan bihabar bolmaklary ahmal. Pestisidler bilen gönüden – göni aragatnaşykda bolýan kir ýuwulýan ýerde işleýänler, zir-zibilçiler, gaýtadan işleýän senagatyň işgärleri we başgalar hut oba hojalyk işgärleri ýaly zäherlenme howpunyň astyna düşýärler.

Pestisid zäherlenmesiniň alamatlary

Göreçleriň
kiçelmegi

Burun we agyz:
tüýküligiň akmagy we burundan bölünip çykmalar

Döş we öýken:
agyry, dem alyş bilen bagly kynçylyklar, üsgülewük

Aşgazan:
agyry, içgeçme, ýürekbulanma we gaýtarma

Kelle we göz:
kellagyry, görüşiň peselmegi, göreçleriň kiçelmegi we ýaşarmagy

El we aýak:
dyrnaklaryň zaýalanmagy, barmaklaryň guruşmagy we sançmagy

Deri:
gijilewük, örgün, çişler, gyzarma, ýanma, aşa köp derleme

Pestisidler bilen iş salşanyňyzda, ýokarda sanalyp geçilen zatlaryň biri biynjalyk etse-de, şol pursatyň özünde işi taşlaň. Ýagdaýyňyzyň erbetleşerine garaşyp durmaň. Pestisidlerden daşlaşyň we derrew hassahana gidiň!

Ýiti zäherlenmäniň alamatlary:

Ýiti pestisid zäherlenmesi öldürip hem bilýär.

Huşuňy ýitirmek, peşewi we täreti saklap bilmezlik, dodaklaryň we dyrnaklaryň gögermegi, sandyrama